| Dec | JAN | Feb |
| 21 | ||
| 2012 | 2013 | 2014 |
COLLECTED BY
Collection: Wide Crawl Started January 2013
|
|||||
| Nasionale leuse: जननी जन्मभूमिष्च स्वर्गादपि गरीयसी (Sanskrit) "Moeder en vaderland is meer belangrik as die hemel" |
|||||
| Volkslied: Rastriya Gaan | |||||
 |
|||||
| Hoofstad | Katmandoe | ||||
| Grootste stad | Katmandoe | ||||
| Amptelike tale | Nepali | ||||
| Regering
|
|
||||
| Onafhanklikheid
|
|||||
| Oppervlakte - Totaal - Water (%) |
1 E10 147,181 km2 (93ste) 56,827 myl2 |
||||
| Bevolking - Julie 2005 skatting - Digtheid |
27,133,000 (42ste) 184 / km2 (56ste) 477 / myl2 |
||||
| BBP (KKP) - Totaal - Per capita |
2005 skatting |
||||
| Gini | 47.2 | ||||
| Geldeenheid | Rupee (NRs.) |
||||
| Tydsone - Somertyd |
NPT (UTC+5:45) nie bemerk nie (UTC+5:45) |
||||
| Internet-TLD | .np | ||||
| Skakelkode | +977 |
||||
Nepal (नेपाल अधिराज्य,Nepal Adhirajya) is 'n land in Asië. Dit lê tussen Sjina in die noorde en Indië in die suide in die Himalaya. Die hoofstad is Katmandoe.
Nepal het 'n lang geskiedenis wat teruggaan tot voor die begin van die Christelike jaartelling en is die geboorteplek van die Boeddha. As gevolg van die land se ligging, was die land nog altyd gevoelig vir Indiese en Tibettaanse invloed.
Die land het in 1962 'n nuwe grondwet gekry, waarvolgens die koning se mag aansienlik gestyg het en politieke partye verbied is. In plaas van die partye het die koning 'n "partylose demokrasie" gekies: 'n parlement waarvan 15% uit partylose lede bestaan wat deur die volk verkies is en 85% bestaan uit lede wat deur die koning benoem word. Na 'n volksopstand in 1990 het die toenmalige Koning Birenda hierdie stelsel afgeskaf en 'n demokratiese grondwet ingevoer.
Op1 Junie 2001 is die koninklike huis byna uitgeroei deur Kroonprins Dipendra. Hy was kwaad vir sy ouers omdat hulle nie sy keuse vir 'n eggenote goedgekeur het nie. Hy het sy vader, Koning Birenda, sy moeder, Koningin Aishwarya, doodgeskiet en ook nog 'n aantal ander koninklike familielede vermoor, waaronder sy broer en suster, twee ooms en twee tantes. Hy het homself ook geskiet, waarna hy drie dae later beswyk het. Na sy dood is een van sy ooms, Gyanendra, as die nuwe koning gekroon.
Gyanendra het in 2002 tydelik weer die hef in sy hand geneem, maar later in die jaar die demokrasie herstel. Op 1 Februarie 2005 het hy egter weer alle mag in sy hande geneem en die grondwet buite werking gestel. Hy het die eerste minister afgedank en self dié posisie ingeneem. Die koning het Minister Deuba kwalik geneem dat hy nie in staat was om die vrede in die land te herstel nie. Gyanendra het tot 2006 as gesaghebbende monarg geregeer, maar is in 2006 weer gedwing om sy mag op te gee.
Tussen 1996 en 2006 het 'n burgeroorlog in Nepal gewoed, waarin meer as 12 000 mense om die lewe gekom het. Met tussen 10 000 en 15 000 stryders het die Maoïstiese opstandelinge meer as 60% van Nepal beset. Hul grootste doel was om Koning Gyanendra te onttroon en 'n kommunistiese nasie te begin, soos die Volksrepubliek van Sjina na die revolusie. Ondanks die feit dat Gyanendra buitelandse steun geniet het, het die rebelle steeds meer terrein gewen. Op 21 November 2006 is 'n vredesooreenkoms tussen die demokratiese regering en die Maoïstiese rebelle gesluit.
Op28 Desember 2007 het 'n oorgrote meerderheid van die Nepalese parlement gestem vir die afskaffing van die monargie. Die Nepalese Grondwetgewende Vergadering het op 28 Mei 2008 besluit om hierdie wet amptelik in werking te stel, waarmee die Koninkryk van Nepal verander is in die Demokratiese Federale Republiek van Nepal.
'n Groot gedeelte van Nepal is baie bergagtig. Agt van die tien hoogste berge ter wêreld is in Nepal geleë, waaronder ook die hoogste, Mount Everest. In die suide van Nepal, langs die grens met Indië, is laer geleë gebiede. Ongeveer 20% van die land se oppervlak kan vir landbou benut word. Nepal word van suid na noord in drie gebiede gedeel, die laagland in die suide, heuwels en lae berge in die middel en die Himalaja in die noorde.
As gevolg van die groot hoogteverskille besit die land uiteenlopende klimaatgebiede, van 'n hoë bergklimaat in die Himalaja, tot 'n subtropiese klimaat langs die grens met Indië.
Die ooste van Nepal kry ongeveer 2 500 mm reën per jaar, terwyl die middel, rond Katmandoe, ongeveer 1 420 mm per jaar kry en die westelike gebiede ongeveer 1 000 mm.
Die bevolking van Nepal woon vernaamlik in die lae gebiede langs die grens met Indië en in die vallei rondom Katmandoe. Die gemiddelde lewensverwagting in Nepal is 65,46 jaar. Die bevolking groei met ongeveer 1,281% per jaar.
Die land huisves talle etniese groepe, waaronder die Newards, Bhote, Rai, Limbu, Sjerpa, Gurung, Tamang, Magar, Thakali, Brahman en ander.
Die meerderheid van die bevolking (80,6%) is aanhangers van Hindoeïsme. Die grondwet bepaal dat Nepal 'n "hindoekoninkryk", maar Hindoeïsme is nie ingestel as die staatsgodsdiens nie. Boeddhisme speel ook 'n groot rol, met volgelinge wat 10,7% van die bevolking uitmaak. Verder hang 4,2% Islam aan en 3,6% die inheemse Kirant-geloof aan.
Op19 Mei 2006 het die Huis van Afgevaardigdes van Nepal aangekondig dat daar voortaan 'n skeiding tussen kerk en staat sou wees, alhoewel die land steeds die enigste amptelike Hindoe-land ter wêreld bly.
Die land se amptelike taal is Nepalees en word deur ongeveer 60% van die bevolking gepraat. Die taal word in die Devanagari-skrif geskryf en stam van die antieke Sanskrit-taal af. Naas Nepalees word daar ook ander plaaslike tale en dialekte gepraat, soos Maithili, Tamang en Bhojpuri.
