The Internet Archive discovers and captures web pages through many different web crawls.
At any given time several distinct crawls are running, some for months, and some every day or longer.
View the web archive through the Wayback Machine.
DrPlato, au Platon (Greek: Πλάτων, Plátōn, "wiitschdirnig"), 423 BCE – 347 BCE, isch ä griechische Philosoph gsi. Zsämme mit siim Lehrer, em Sokrates, und siim Schüeler, em Aristoteles het er die philosophisch Grundlage für die weschdlig Kultur gleit. In Athen het er die erscht Schuel für höcheri Erziehig, d Akademie, gründet
Dr Plato isch 423 vor dr Ziitwändi z Athen uf d Wält cho. Siini Eltere si Arischtokrate gsi, dr Vater het dänggt ass er vom ä mythologische König vo Athen, em Kodros, abschdammi und si Mueter, d Periktione, siig mit em Gsetzgäber Solon verwandt gsi. Vier Chinder hai d Eltere gha, drei Buebe, fr Glaukon, dr Adeimantos und dr Plato, und eis Meitli, d Potone. Si Vater isch früeh gschdorbe und d Mueter het sich 423 mit emä verwitwete athenische Diplomat, em Pyrilampes, verhürotet, wo sho a Chind, dr Demos ghat het. Schböter hai si non ä Bueb, dr Antiphon, übercho.
Dr Plato het acht Johr lang biim Sokrates glehrt, und wo dä zum Dod verurtdeilt worden isch im Johr 399, het dr Plato d Überzügig übercho, ass alli Schdaate schlächt regiert wurde. Er het Athen verlo und isch uf Reise gange. In Underitalie het er d Pythagoreer bsuecht, und 388 isch er bim Tyrann vo Syrakus, em Dionysos I. gsi, het sich aber mit däm verschdritte und isch nach Athen zrugggange. Dört het er im Johr 387 die erschti Philosopheschuel z Athen, d Akademii, gründet, wo ihre Name vom Ort wo si gsi sich, em heilige Wäldli vom Heros Akademos, übercho het. D Akademie isch eini vo de wichtigschde Hochschuele vo dr Antike gsi, bis si vom Kaiser Justinian*nbsp;I im Johr 529 noch dr Ziitwändi zuegmacht worden isch.
Dr Plato isch vom Tyrann vo Syrakus Dionysos II. im Johr 388 iiglade worde, und er het ghofft si ideal Schdaat regiert vom enä Philosoph chönne z verwirklige. Aber s het nid funktioniert und d Erfahrige won er gmacht het, si d Grundlage gsi für siis Alterswärk Nomoi (d Gsetz) won er nie ferdig gmacht het. Er isch im Johr 347 z Athen gschdorbe.
