| Apr | MAY | Jun |
| 10 | ||
| 2012 | 2013 | 2014 |
COLLECTED BY
Collection: Wide Crawl started April 2013
Ip dit helpblad ku je een antwoord vindn ip 'n poar veelgestelde vroagen in verband met de Wikipedia.
Inoud |
Woarom ? Iederêen kan bloadn ip Wikipedia veranderen, da es 't gedacht achter de Wikipedia. Mo oa je jen eigen ameldt, wuk da hêlegans vo nietn es, ton zyn ol je bydroagn gemakkelikker were te vindn en es het gemakkelikker vo d'andre gebrukers vo 'ntwadde te zeggen teegn gy.
A je je nie ameldt, wordt allêne je IP-adres gelogd en zyn discuusjes ôok wel meuglik, mo sommigen (lik de gasten by Telenet) ein iedere kêe da je een verbindienge makt me internet een andr IP-adres (een zogezeid dynoamisch adres), zoda je bydroagn verspreid raken over verschillige IP adressen. 't Beste van ol is ne gebrukersnoame kiezn en jen eigen ameldn.
Oe ? Klik ip Ameldn/inschryvn in de rechterbovenoek. A je nog ginne gebrukersnoame èt, klik vervolgens ip Nen nieuwn account moakn.
Vo e blad te bewerkn klikt je vanboven ip 't tabblad "bewerkn". A je ton 'ntwadde schryft en ge klikt hêel vanounder ip de knop "Blad êest bekykn", ton zie je oe da 't blad der achter je veranderiengn goat uutzien. A je klikt ip "Blad ipsloan", bluuft wa da je gedoan eit, bewoard.
Ge kunt alsan ne kêe probeern in de zanbak, die der speciaal es om é kêe 'ntwadde te probeern. Ge moe nie benauwd zyn vo e blad te bewerkn, d'andre gebrukers goan je wel elpen oat 't nôdig zoe zyn.
Stel dat er nog gin blad bestoat over Voorbeeldounderwerp en ge wilt da blad anmoakn. Ton ku je da byvoorbeeld doene deur de noame van 't artikel in te typen in 't zoekveister links en te klikkn ip artikel. Ton verschynt der e rôo verwyzienge: Ge kut et zelve schryvn. Doarip klikkn.
Ge kut ôok van êeste ki in den url typen: http://vls.wikipedia.org/wiki/Voorbeeldblad en da blad proberen te bekykn. Ton goa je den tekst ziene: 't blad "Voorbeeldblad" bestoa nog nie, ge kut het zelve schryven.... Doarip klikkn.
Oa je nie zeker zyt oe da je da moe doen, probeer in de zanbak of ip 't discuusjeblad en zet er ne helpbôodschap by. Der zoal ier wel olsan en broave ziele roundangn vo e duwke te geevn.
D'r zyn up dizzn West-Vlamschn Wikipedia een poar regels van toepassienge die je moe weetn.
Zie 't artikel over 't gebruuk van streektoaln.
Ofbeeldiengn toevoegn es nie styf moeilik. Ge moet der êest vo zorgn dat 't bestand (.jpg, .png, ...) in de Wikipedia zit. Davôorn zyn 2 meuglikeedn.
Achter dat je bestand ip vls of ip commons stoat, ku je 't goan invoegn in een artikel. Stel dat je bestand de noame Mesen kerk.JPG eit. Ton ku je 't in een artikel zettn deur [[Ofbeeldienge:Mesen kerk.JPG|thumb]] in de tekst te ploatsn. Ton kryg je 't resultoat da reks stoat.
Ge kunt et ôok links zettn: [[Ofbeeldienge:Mesen kerk.JPG|thumb|left]]
Of nen oundertitel byzettn: [[Ofbeeldienge:Mesen kerk.JPG|thumb|Kerke van [[Mêesn]]]]
Of grodder moaken: [[Ofbeeldienge:Mesen kerk.JPG|thumb|240px]]
Of van elks 'n twadde: [[Ofbeeldienge:Mesen kerk.JPG|thumb|left|100px|Oundertitel]]
Ip e discuusjeblad kun je je noame en den doatum ounder je bydroage zettn door ~~~~ te typen, ton komt hêel die santeboetiek der automatisch by. Je kunt ook klikkn ip die knop: 
Oe je kykt by Kieken, ZwynofGes goa je ziene dat reks de taxonomie van die bêeste of plante es upgenoomn. Die taxonomie toont woa da joun beeste of plante etwoaschn zit in de wetenschappelyke hiërarchische ordenienge van olle levende wezens.
Moe oe gerak je an zukke taxonomie voe joun artikel?
1. Zoek de taxonomie up van joun beeste. En poar goeie websites iervoorn zyn:
Ge keunt et vaneigens osan klakkeloos kopieern uut den Nederlandstoalign Wiki moa 't es stikk'n geestiger oe je 't zelfe upzoekt. 't Zit er dik in da je mè en ander resultoat ofkomt, toen kun je nog vergelyken vo te ziene wien dat er gelik èt.
2. Kies e scho zendje vo by joun artikel te zettn. Ne heeln oop zendjes keu je vindn up Wikimedia Commons. Gif joun zoektermn wel in 't Iengels in, of Latyn werkt ook dikkers vo beestn of plantn.
3. Goa byvoorbeeld na 't artikel Vos en kies doa bewerken.
4. Kopieer heel da boveste stik na joun artikel:
{{Taxobox
|afbeelding=Vulpes vulpes.jpg
|afbeeldingtekst=Ne rooin vos
|domein=[[Eukaryootn]]
|rijk=[[Animalia]] (Beestn)
|stam=[[Chordata]] (Chordabeestn)
|klasse=[[Mammalia]] (Zoogdiern)
|orde=[[Carnivora]] (Roofdiern)
|familie=[[Canidae]] (Oundachtigen)
|geslacht=[[Vulpes]] (Vos)
|w-naam=Vulpes Vulpes
|auteur=[[Linnaeus]]
|datum=1758
}}
5. Vervang de indelienge deur 't geen da je gevoundn èt vo joun beeste, kies『Blad êest bekyk'n』en ge zyt vertrokk'n.
't Gene da tusschn {{ en }} stoat, noemn we e patrôon. Dat es e stik Wiki-code da je mè varioabele weird'n kut upvulln. Ge kut joun taxonomische indelienge meer gedetailleerd upgeevn, klik ier vo te ziene wuk da je zo ollemoale kut upgeevn by den Taxobox.
Dat es styf gemakkelik. Open jounen web browser en zet an 't ende van 't webadres de categorie da je gy wil moakn, lik http://vls.wikipedia.org/wiki/Categorie:MynNieuweCategorie
Ge kut toun e nieuw blad begunn. In da blad moe je gy moa twee diengn zettn:
E goe voorbeeld es Categorie:Verdrag.
Moest je nog met ander vroagn zittn, meugt je die die olsan stelln in de café.
Overgenomen van "http://vls.wikipedia.org/w/index.php?title=Ulpe:Wikipedia&oldid=260119" Categorie: ●Wikipedia
