| SBSimLemma isch s offiziell Chürzel vom Kanton Basel-Stadt und wird bruucht, zum Verwächslige mit Yträäg vom Name Bettingen vermyde, wo öppis anders meined. |
| Bettige | |
|---|---|
 | |
| Basisdate | |
| Staat: | Schwiiz |
| Kanton: | Basel-Stadt (BS) |
| Bezirk: | (DrKanton Basel-Stadt kennt kei Bezirk.)w |
| BFS-Nr.: | 2702i1f3f4 |
| Poschtleitzahl: | 4126 |
| Koordinate: | 617043 / 26895947.5711117.6651138378Koordinate: 47° 34′ 16″ N, 7° 39′ 54″ O; CH1903: 617043 / 268959 |
| Höchi: | 378 m ü. M. |
| Flächi: | 2,23 km² |
| Iiwohner: | 1288 (31. Dezämber 2022)[1] |
| Website: | www.bettingen.ch |
| Charte | |
 | |
| Dialäkt: Baseldütsch |
Bettige (amtlig uf Standardhochdütsch: Bettingen) isch e politischi Gmeind rächts vom Rhii und näbe Rieche die einzigi Landgmeind vom Kanton Basel-Stadt in dr Schwiiz.
D Nochbergmeinde vo Bettige si s baselstedtische Rieche und Gränzach-Wyhle und Inzlige z Bade-Württebärg.
D Gmeind bestoht us zwei grundverschiidene Siedlige: Zum einte us em eigentlige Dorf Bettige, enere alemannische Hofsiidlig, was an der typische Namensendig ‘-ige’ dütlig wird. S Dorf lit in ere Mulde zwüsche de Höchene drum ume. Andrersits git s die beachtligi Hüüsergrubbe uf dr Chrischonahöchi rund um die ehemoligi Wallfahrtschille. Die Siidlig goht uf d Gründig vo dr Pilgermission im Johr 1840 dur e Christian Friedrich Spittler zrugg.
D Exekutive vo Betteige isch dr Gmeindiroot, wo fümf Mitgliider het. Er dagt im allgemeine einisch in dr Wuche im Sitzigszimmer im Gmeindihuus. D Sitzige si nit öffentlig, d Beschlüss wärde aber veröffentligt.
D Mitgliider vom Gmeindiroot, wo für d Amtsperiode 2007 bis 2011 gwehlt worde si, si dr Presidänt Willi Bertschmann-Unholz, dr Verantwortlig für e Ressort Finanze / Rächt, dr Thomas U. Müller, für e Ressort Bau dr Patrick Götsch, für die Öffentlige Dienst dr Marco Fini und für Bildig, Kultur und Sozials dr Olivier Battaglia.
D Legislative isch d Gmeindiversammlig, wo im allgemeine zwei Mol im Johr stattfindet. Z Bettige chönne usländischi Iiwohner as Gest zur Gmeindiversammlig cho.
Usserdäm git s divärsi Kommissione, wo für e Gmeindiroot Projekt usarbeite.
Scho 1356 isch zum erste Mol e Gotteshuus uf der St. Chrischona erwähnt worde, wo an dr Stell baut worde siig, wo noch dr Legände dr Liichnam vo dr Heilige Chrischona begrabe isch. 1925 isch d Siidlig dur s Diakonisse-Mueterhuus und e Pflägiheim erwiiteret worde; südlig drvo befindet sich d Chrischona-Klinik, wo vo dr Bürgergmeind Basel zwüsche 1963 und 1965 baut worden isch.
Dr markantist Punggt vo Bettige isch dr Färnsehdurm vo dr Swisscom wo uf dr St. Chrischona stoht und wo 1984 in Betriib gnoh worden isch. Er isch mit 250 m s höchste frei stehende Bauwärk in dr Schwiiz und stoht uf em höggste Punggt im Kanton Basel-Stadt.
D Buslinie 32 vo dr BVB verbindet Bettige und St. Chrischona mit em Nochverchehrslinienetz vom Tarifverbund Nordwestschwiiz.
| Johr | 1774 | 1815 | 1850 | 1900 | 1920 | 1941 | 1950 | 1960 | 1970 | 1980 | 1990 | 2000 | 2008 |
|---|---|---|---|---|---|---|---|---|---|---|---|---|---|
| Iiwohner | 193 | 233 | 279 | 490 | 505 | 441 | 553 | 765 | 1 062 | 1 161 | 1 069 | 1 151 | 1175 |
DBevölkerigsdichti bedrait 31.8 Pers./ha. Ändi 2008 si fast e Viertel vo de Iiwohner (24,3 %) Usländer gsi.
D Religionszueghörigkeit het sech in de letzte 30 Johr erheblig veränderet.
Religionszueghörigkeit vo dr Bevölkerig Ändi 2008 und in Chlammere 1980[2]
| kei Religion | 39,1 % | (16,2) |
| protestantisch | 35,9 % | (67,3) |
| römisch-katholisch | 15,9 % | (15,2) |
| anderi Bekenntnis | 9,1 % | (1,3) |
Commons: Bettingen – Sammlig vo Multimediadateie
|
Dä Artikel basiert uff ere fräie Übersetzig vu dere Version vum Artikel „Bettingen_BS“ vu de dütsche Wikipedia. E Liste vu de Autore un Versione isch do z finde. |
Politischi Gmeinde im Kanton Basel-Stadt
Kanton Basel-Stadt | Bezirk in dr Schwiiz | Gmeinde im Kanton Basel-Stadt
|
