KEUHTHANG kichi kum zabi 18 beikuan leh zabi 19 kipat tuung lamteng in Zodawn ah laang mahmah ahi. Keuhthang kichi pa tom bilbil khat ahia, mihing taksa daan in om mahleh mihing bel va chih theihlouh hi. Thilhihtheihna tamtak nei a, himahleh aman a thilhihtheihna te mihing a diing a sezawng lamdiing in zang meengmeeng lou hi. Tamtak in bel thuzuau, phuahtawm maimai daan in geen mahleh, Keuhthang kichi mi ana om ahihdaan chiantak in upa tamtak, a damlai te'n geen mangmoh hial uhi.
Keuhthang ahihleh bukna om, omna mun tumna neilou in a langlang ah vialdian a, koi a kipan, bangchick a hong kipan ahia, chihbel theih ahikei. Bangchik a bangchidaan a mang ahia, chihleng tuni dong kithei lou hi. Mite'n "Na min bang ahia?" chia a dot chiang un a chiangkhun tawipeuh in suangtung, sintung khawng kheen kauhkauh a, tuaziak a "KEUHTHANG" chih a om ahi hi.
Keuhthang in mi kimawlpih chiing mahmah hi. Adiak in singtaang khua a zaan a tangval, nungaak heel a pawtte tawng utdiak hi. Inntung a bichiing kawm a pan bang in thohsek a, innkong tual apan bang ana awng khe leelaa sek hi. Tangval te'n leng lauhdiing a enlou in thawmging a zaak chiang un, "Eh! Keuhthang honglaang hitah!" chiin kimawlpih theizeel uhi.
Hiai Keuhthang in Zodawn, Manipur a Churachandpur District leh Chin State (Myanmar) kiimlak teng a mundiing zang deuh hi. Himahleh, i gam a Kristian sahkhua hongluut pat toh kiton in a thu awlawl in hongmang hiaihiai a, a taangthu bei ahimai.
Ahia, tuni dong hiai Keuhthang lamdan daan leh thilhihtheihna te kigeen mangmoh lailai hi. Zodawn ah.
